«Biełavija» adnaŭlaje paloty ŭ maskoŭski aeraport «Žukoŭski»
Šeść hadoŭ paloty nie vykonvalisia.
Avijakampanija «Biełavija» z 30 kastryčnika pačnie vykonvać rehularnyja rejsy ŭ mižnarodny aeraport Žukoŭski paśla šaścihadovaha pierapynku, paviedamili BiełTA ŭ pres-słužbie avijakampanii.
Pieršy palot u «Žukoŭski» byŭ ździejśnieny 10 hadoŭ tamu, 12 vieraśnia 2016 hoda. Da viasny 2020 hoda paloty ažyćciaŭlalisia štodnia, ale z-za pandemii karanavirusa prahramu prypynili.
Samaloty buduć vykonvać rejsy štodnia. Vylet ź Minska — u 13:15, prybyćcio ŭ Maskvu — u 14:45. Zvarotny rejs z Maskvy — u 15:35, a prybyćcio ŭ Minsk — u 17:05.
Rejsy buduć vykonvacca na Embraer-195 (107 pasadačnych miescaŭ). Košt biletaŭ — ad 177 rubloŭ u adzin bok i ad 329 rubloŭ tudy-nazad (taryf «Łajt»). Nabyć bilet možna na sajcie «Biełavija», u ahientaŭ i ofisach prodažaŭ.
Jak skazaŭ hienieralny dyrektar «Biełavija» Ihar Čarhiniec, mahčymaść adnavić palotnuju prahramu ŭ mižnarodny aeraport Žukoŭski razhladałasia daŭno, kab na adnym z samych papularnych napramkaŭ Minsk — Maskva — Minsk dać pasažyram bolš varyjantaŭ dla palotaŭ.
«Hety aeraport aktyŭna vykarystoŭvajecca dla padarožžaŭ u harady Kyrhyzstana, Tadžykistana, Uźbiekistana, kudy «Biełavija» pakul nie lotaje napramuju. Adsiul vykonvajucca rejsy i ŭ addalenyja rehijony Rasii: naprykład, u Chanty-Mansijskuju aŭtanomnuju akruhu», — skazaŭ jon.