Bośnija adklikaje amal usich supracoŭnikaŭ pasolstva ŭ Sierbii
Ministr zamiežnych spraŭ Bośnii i Hiercahaviny Ełmiedzin Kanakavič abviaściŭ, što adnosiny ź Sierbijaj buduć źviedzienyja da minimumu. Pryčynaj stała ŭšanavańnie ŭ Biełhradzie asudžanaha za hienacyd vajennaha złačyncy Ratki Mładziča.
Ministr zamiežnych spraŭ Bośnii i Hiercahaviny Ełmiedzin Kanakavič. Skryn videa
Z pasolstva ŭ Biełhradzie adkličuć usich supracoŭnikaŭ, akramia pasła i konsuła: pryznačać i adklikać ich moža tolki Prezidyum Bośnii i Hiercahaviny. Konsulskija abaviazki pieradaduć supracoŭnikam pasolstvaŭ u Zahrabie i Padhorycy.
Na pachavańnie Mładziča pryjšli šmatlikija čynoŭniki ź Sierbii i sierbskaj častki Bośnii i Hiercahaviny. Apošniaj kroplaj Kanakovič nazvaŭ banier «Kurs na Potačary» padčas matča sierbskaha kłuba «Crvieny Źviezdy». U Potačarach znachodzicca miemaryjał achviaram hienacydu ŭ Srebranicy, za arhanizacyju jakoha Mładziča prysudzili da pažyćciovaha źniavoleńnia.
«Kali b moh, ja b užo siońnia razarvaŭ dypłamatyčnyja adnosiny ź Sierbijaj. Ale ja zrablu ŭsio, što mahu, kab źvieści ich da minimumu», — zajaviŭ Kanakavič.