Paśla pieramohi AdH skandalny kubak «Armija Rasii» vystavili na aŭkcyjon
Cana dajšła amal da 2000 jeŭra.
Fota: P_Plattform / x.com
Namieśnik kiraŭnika «Alternatyvy dla Hiermanii» ŭ ziamli Saksonija-Anchalt Chans-Tomas Cilšnajder vyrašyŭ zarabić na kubku, jaki staŭ pryčynaj skandału padčas vybarčaj kampanii.
Čorny kubak z čyrvonaj zorkaj i nadpisam «Armija Rośsii» stajaŭ u vybarčym ofisie Cilšnajdera. Bild zapytaŭsia ŭ palityka, čamu toj trymaje ŭ siabie simvoliku armii, jakaja napała na Ukrainu.
«Mnie jaho niechta padaryŭ. Ja nie chacieŭ jaho vykidać», — adkazaŭ tady Cilšnajder. Jon zajaviŭ, što kubak dla jaho ničoha asablivaha nie aznačaje, a pra rasijskaje ŭvarvańnie va Ukrainu skazaŭ: «Heta nie naša vajna».
Paźniej źjaviłasia inšaja viersija pachodžańnia kubka. Palityk nazvaŭ jaho suvieniram z pajezdak u Rasiju ŭ 2023 abo 2024 hodzie — užo paśla pačatku poŭnamaštabnaj vajny.
Paśla pieramohi AdH na vybarach Cilšnajder vystaviŭ kubak na eBay, nazvaŭšy jaho «samym niebiaśpiečnym kubkam Hiermanii».
Pačatkovaja cana składała adzin jeŭra. Na momant napisańnia naviny za łot prapanoŭvali ŭžo 1982 jeŭra: było zroblena 63 staŭki, a da zakančeńnia tarhoŭ — jašče vosiem dzion.
6 vieraśnia AdH atrymała ŭ Saksonii-Anhalcie 43,8% hałasoŭ i stała najbujniejšaj frakcyjaj ziamielnaha parłamienta, ale nie zdabyła absalutnaj bolšaści.