Niekatoryja zabudoŭščyki rezka padniali ceny paśla zapusku našumiełaha kredytu Biełarusbanka
Ceny vyraśli ŭ siarednim na 10 tysiač dalaraŭ.
Niekatoryja zabudoŭščyki, jakija stali partniorami «Biełarusbanka» pa kredycie na žyllo, dzie staŭka ŭ lhotny pieryjad składaje ŭsiaho 1%, rezka padniali ceny na kvatery. Pra heta piša ekśpiertka pa nieruchomaści Natalla Litoŭskaja ŭ svaim telehram-kanale.
Ekśpiertka praanalizavała rynak novabudoŭlaŭ u Minsku i zaŭvažyła, što ceny na kvatery ŭ niekalkich prajektach, jakija padpadajuć pad partniorskuju prahramu našumiełaha kredytu «Biełarusbanka», vyraśli ŭ siarednim na 10 tysiač dalaraŭ.
«I navat uviedzienaja piacihadovaja zabarona na daterminovaje pahašeńnie hetaha «supierkredytu» na rašeńnie padniać ceny nie paŭpłyvała», — kanstatavała Natalla Litoŭskaja.
«A voś u tych zabudoŭščykaŭ, chto da prahramy nie dałučyŭsia, usio roŭnieńka i dobra — i z prodažami, i z cenami. Bałazie, jość (adnosna zvyčajnych stavak u RB) «tannyja» ipatečnyja kredyty i pa-za partniorskimi prahramami», — zaznačyła jana.
Čytajcie taksama:
Biełarusbank pierahledzieŭ umovy supierkredytu na novabudoŭli, što vydajecca pad 1%