U Maskvie i Kijevie prakamientavali vizit Uitkafa i Kušniera
I tam, i tam bačać pazityŭ.
Džared Kušnier i Styŭ Uitkaf. Fota: Ukrainian Presidential Press Office via AP
Sustreča prezidenta Rasii Uładzimira Pucina z emisarami ZŠA Styvam Uitkafam i Džaredam Kušnieram, jakaja adbyłasia 5 vieraśnia, stała nievialikim krokam u bok miru, zajaviŭ pres-sakratar rasijskaha lidara Dźmitryj Piaskoŭ, piša TASS.
«Biezumoŭna, lubyja sproby bolš-mienš efiektyŭnyja, heta adzin maleńki krok u bok miru», — skazaŭ pradstaŭnik Kramla.
«My sapraŭdy vielmi vysoka cenim miratvorčyja namahańni amierykanskich pieramoŭščykaŭ», — padkreśliŭ jon.
Prezident Ukrainy Uładzimir Zialenski pravioŭ siońnia naradu z pieramoŭnaj hrupaj pa vynikach sustreč u Kijevie z pradstaŭnikami prezidenta Amieryki.
«Praviali try raŭndy pieramoŭ. Razam z nami taksama byli pradstaŭniki ES — Francyi, Vialikabrytanii i Hiermanii. Asobna jašče ŭčora pahavaryŭ sa Styvam i Džaredam sam-nasam pa vynikach dnia. Najvažniejšaje — praciahvać aktyŭna i razam pracavać, kab dypłamatyja była. (…) Kaardynujem dalejšyja kroki. Rychtujem nastupnyja sustrečy i kamunikacyju», — napisaŭ jon.