Kali dzicia prahulvaje ŭroki, baćkam mohuć dać štraf da 450 rubloŭ
Jak tak?
Fota: LookByMedia
Kali dzicia prahulvaje škołu, ci mohuć pakarać baćkoŭ?
Učastkovy inśpiektar Kastryčnickaha RUUS Hrodna Jaŭhien Tarasaŭ kaža, što tak.
«U adpaviednaści z artykułam 32 Kanstytucyi i artykułam 75 Kodeksa ab šlubie i siamji, kłopat pra atrymańnie dziciem adukacyi, jaho raźvićcio i navučańnie — prava i abaviazak baćkoŭ», — adznačaje jon.
«Zhodna ź dziejučym zakanadaŭstvam, kali dzicia biez uvažlivaj pryčyny prapuskaje zaniatki ŭ navučalnaj ustanovie abo sistematyčna parušaje praviły ŭnutranaha rasparadku škoły, jaho baćkoŭ mohuć pryciahnuć da administracyjnaj adkaznaści pa artykule 10.3 KaAP. Za nienaležnaje vykanańnie abaviazkaŭ, praduhledžanych zakonam, baćkam abo zakonnym pradstaŭnikam vučnia pahražaje štraf da 10 bazavych vieličyń», — dadaje ŭčastkovy inśpiektar.
10 bazavych ciapier — heta 450 rubloŭ.
Tarasaŭ taksama kaža, što kali dzicia naohuł nie chodzić u škołu, siamju mohuć pastavić na ŭlik.