U Hrodnie prachodzić fiestyval harodniny
I nie tolki jaje.
Jarkaj častkaj śviatkavańnia Dnia horada Hrodna stała adkryćcio pieršaha ŭ Biełarusi fiestyvalu harodniny. U parku imia Žylibiera arhanizavali dehustacyi, majstar-kłasy i vystavy, dzie pradstaŭlena bolš za 100 hatunkaŭ, piša BiełTA.
Tut nie tolki harodnina. Na fiestyvali možna ŭbačyć 25 hatunkaŭ kavunoŭ, jakija vyraščany sioleta na Hrodzienščynie.
Na fiestyvali arhanizavana šmat interaktyvu, a taksama kancert. Na aharodninnym feście možna navučycca hatavać roznyja stravy.
Naprykład, Alena Dzisko pakazvaje, jak pryhatavać łapci.
«Z bulby možna vyrazać biełaruskija łapci, jakija padajuć z roznymi načynkami: miasnymi, hrybnymi. Ich možna jak zapiačy adrazu z načynkaj, tak i asobna, a načynku abo sous, naprykład ź sieladcom, padać źvierchu», — padzialiłasia jana.