U Łahojskim rajonie chłopiec spjana padpaliŭ sałamianuju fihuru, pastaŭlenuju da «Dažynak» VIDEA
Uviečary 2 vieraśnia ŭ Łahojskim rajonie małady čałaviek vyrašyŭ źniać videa z padpałam sałamianaj skulptury kala ahraharadka Astrošycy, piša «Minskaja praŭda».
Skrynšoty ź videa
Jak paviedamili ŭ Łahojskim rajadździele Śledčaha kamiteta, pierad hetym chłopiec vypiŭ vina i piva, a paśla pajšoŭ sustrakać na prypynku znajomuju. Pa darozie jon pavodziŭ siabie ahresiŭna i čaplaŭsia da minakoŭ.
Urešcie ž małady čałaviek vyrašyŭ zładzić «ahniavoje šou». Jon paprasiŭ znajomuju zdymać jaho na videa, paśla čaho z dapamohaj zapalnički padpaliŭ sałamianuju fihuru.
«Spadarstva, siońnia my padpalim što-niebudź. Hladzicie ŭvažliva», — havoryć mužčyna na videa.
Choć jon chavaŭ tvar pad kapiušonam, heta jamu nie dapamahło. Jaho asobu ŭstanavili ŭžo ranicaj 3 vieraśnia dziakujučy tamu samamu zapisu.
U dačynieńni da maładoha čałavieka zaviali kryminalnuju spravu za chulihanstva. Za heta jamu mohuć pahražać hramadskija abo papraŭčyja raboty, štraf, aryšt, abmiežavańnie voli da dvuch hadoŭ albo pazbaŭleńnie voli na termin da troch hadoŭ.
Čytajcie taksama:
Pad Minskam užo rasstavili kampazicyi da «Dažynak». U modzie sałamianyja vioski FOTY
Da «Dažynak» u Biełarusi zrabili hihanckuju fihuru žančyny z sałomy
U Smarhonskim rajonie 9‑hadovy chłopčyk spaliŭ 450 ton sałomy