Lavon Volski vypuściŭ novuju pieśniu «Pakidajem na potym»
My adkładvajem ščyryja razmovy, važnyja pryznańni i składanyja rašeńni, spadziejučysia, što jašče paśpiejem. Ale časam «potym» užo nie nadychodzić.
«Novaja pieśnia «Pakidajem na potym» — asabistaja, blizkaja kožnamu z nas historyja pra toje, jak my časta adkładvajem na zaŭtra toje, što važna: razmovu, pačućci, rašeńni, — pakul adnojčy nie robicca zanadta pozna.
«Pakidajem na potym» — pra škadavańnie, pra stračanyja mahčymaści i pra ŭśviedamleńnie taho, što niekatoryja imhnieńni ŭžo niemahčyma viarnuć», — napisaŭ Volski.
Aŭtaram słoŭ i muzyki, a taksama vykanaŭcam vakalnaj i hitarnaj partyj staŭ Lavon Volski. Razam ź im nad pieśniaj pracavali hitaryst Pavał Trypuć, bas-hitaryst Aleś-Francišak Myškievič i bubnač Pavał Mamonaŭ.