«Hetaja chimičnaja ataka ledź nie zahubiła». U Homieli masava skardzilisia na smurod u centry horada
Uviečary 3 vieraśnia žychary Homiela ŭ sacsietkach masava paviedamlali pra rezki niepryjemny pach u roznych častkach horada, zaŭvažyŭ «Fłahštok». Hamielčuki skardzilisia na smurod u Vałatavie, Starym Aeradromie, u centralnaj častcy horada, u rajonie vakzała.
Ilustracyjny zdymak: rajon vakzała ŭ Homieli. Fota: Threads
Bolšaść kamientaroŭ byli iraničnymi:
«Bližej da 17.00 na Aeradromie hetaja chimičnaja ataka ledź nie zahubiła naš ofis».
«Vyjšli z mužam z domu ŭ 17.30 i davaj pa čarzie padymać nohi i razhladać padešvy abutku, dumali, što niedzie ŭlapalisia».
Asabliva mocnym smurod byŭ u Vałatavie, adznačyli karystalniki. Adzin ź ich tak patłumačyŭ hetuju źjavu:
«Za Kaściukoŭkaj čyściać kanavy — voś i idzie vodar adtul. U Kaściukoŭcy ŭvohule niama čym dychać».
Inšy žychar adznačyŭ, što za horadam pali ŭhnojvajuć — takaja situacyja nazirajecca štohod.
Vykazali i jašče adnu viersiju:
«Heta nie hnojem śmiardzić, heta kaścianym zavodam, dzie pierapracoŭvajuć tušy žyvioł. Jon znachodzicca ŭ Balšaviku. Ujavicie, jak nam, chto tut žyvie».
Aficyjnych kamientaroŭ na hetuju temu ad dziaržaŭnych orhanaŭ nie było.