Minski školnik zabaŭlaŭsia, kidajučy na hałovy dzieciam pakiety z vadoj
U milicyju źviarnulisia dziaŭčynki-padletki, na jakich z dachu šmatpaviarchovaha doma skidali pakiety, napoŭnienyja vadoj, paviedamlaje HUUS Minharvykankama.
Skrynšot ź videa
Pravierka pakazała, što hetyja dziejańni rabiŭ 14‑hadovy dzieviacikłaśnik. Jon zahadzia nabraŭ vadu ŭ płastykavyja pakiety i praź niezačynienyja dźviery padniaŭsia na haryšča. Padletak pryznaŭsia, što nie hladzieŭ uniz i nie zadumvaŭsia, što jaho dziejańni mohuć nanieści škodu zdaroŭju ludziej abo ich majomaści.
Paciarpiełym dzieciam va ŭzroście ad 11 da 14 hadoŭ spatrebiłasia miedycynskaja dapamoha. U špitalizacyi jany nie majuć patreby.
U dačynieńni da školnika raspačali kryminalnuju spravu za chulihanstva. Akramia taho, ŽEU atrymała pradpisańnie likvidavać parušeńni i ŭstalavać nadziejnyja pryłady dla začyniańnia dźviarej na haryšča. Z padletkam praviaduć indyvidualnuju prafiłaktyčnuju pracu.
Čytajcie taksama:
U Puchavickim rajonie mužčyna stralaŭ ź pnieŭmatyčnaj vintoŭki ŭ čałavieka
U Minsku pjanaja školnica paškodziła ŭvachodnyja dźviery ŭ budynak
U Ivacevickim rajonie mužčyna dziela zabavy abstralaŭ ź pnieŭmatyki ravarysta