Hrodzienski aeraport abiacajuć adkryć hetaj zimoj. Kudy mohuć latać?
U aeraporcie Hrodna skončyli abnaŭlać uźlotna-pasadačnuju pałasu i rychtujucca ŭstalavać novaje navihacyjnaje abstalavańnie.
Tarhi na zakupku navihacyjnaha abstalavańnia ŭžo praviali, dastavić jaho pavinny ŭvosień. Paśla ŭstalavańnia zastaniecca vyrašyć techničnyja pytańni i ŭvieści sistemu ŭ ekspłuatacyju.
«Ja ŭpeŭnieny, aeraport adkryjecca najbližejšaj zimoj. Zadača — pryciahnuć apierataraŭ i avijakampanii, jakim budzie ekanamična metazhodna lotać u Hrodna», — zajaviŭ staršynia Hrodzienskaha harvykankama Andrej Chmiel.
Pakul rehularnyja maršruty i pieravozčyki nie vyznačanyja. Ułady razhladajuć rejsy ŭ Maskvu, Sankt-Pieciarburh i Kalininhrad. U pierśpiektyvie z Hrodna taksama mohuć zapuścić čartarnyja rejsy na kurorty.