Ukraincy źniščyli rasijskija samalot ź viertalotam

Ukrainski Hienieralny štab paviedamiŭ pra źniščeńnie rasijskaha źniščalnika MiH-29 u rajonie aeradroma «Milerava» ŭ Rastoŭskaj vobłaści. Taksama byŭ źniščany viertalot Ka-27 kala aeradroma «Jejsk» u Krasnadarskim krai.

Fota ilustracyjnaje

Akramia avijacyjnaj techniki, padraździaleńni Sił abarony Ukrainy nanieśli ŭdary pa niekalkich rasijskich vajskovych abjektach. U pryvatnaści, paviedamlajecca pra paražeńnie składa sa zbrojaj va Uładzimiraŭcy na akupavanaj častcy Danieckaj vobłaści, składa materyjalna-techničnych srodkaŭ u Ačarecinie, a taksama miesca kancentracyi ŭzbrajeńnia i vajskovaj techniki ŭ Rečycy Branskaj vobłaści.

Raniej ukrainskija Siły bieśpiłotnych sistem paviedamlali pra ataku na rasijski aeradrom Šahoł u Čalabinskaj vobłaści. Tady, pavodle ich infarmacyi, byli paškodžanyja čatyry adzinki avijacyjnaj techniki — dva źniščalniki Su-57, Su-34 i jašče adzin samalot siamiejstva Su, madyfikacyju jakoha nie ŭdałosia vyznačyć. Udar byŭ naniesieny prykładna za 1700 kiłamietraŭ ad ukrainskaj miažy.

Kamientary da artykuła