Tramp prapanavaŭ pierajmienavać Armuzski praliŭ u svoj honar

Prezident ZŠA Donald Tramp 2 vieraśnia prapanavaŭ źmianić nazvu Armuzskaha praliva na «praliŭ Trampa». Pra heta jon napisaŭ u svajoj sacyjalnaj sietcy Truth Social.

Donald Tramp. Fota: Win McNamee/Getty Images

«Ciapier, kali jon znachodzicca pad kantrolem ZŠA, moža, nam pierajmienavać Armuzski praliŭ u praliŭ Trampa??? Jak i sama Amieryka, jon byŭ by «haračejšym», čym kali-niebudź raniej! Dziakuj za ŭvahu da hetaha pytańnia», — napisaŭ prezident ZŠA.

Raniej Tramp zajaviŭ, što Złučanyja Štaty nibyta amal całkam kantralujuć Armuzski praliŭ, a ekanomika Irana znachodzicca ŭ vielmi ciažkim stanie. Jon taksama adznačyŭ, što nie stavić pierad saboj metu prymusić Iran da pieramovaŭ.

Pavodle jaho słoŭ, jamu ŭsio roŭna, ci pahodziacca iranskija ŭłady na niejkaje pahadnieńnie, bo, na jaho dumku, jany tolki adkładajuć niepaźbiežnaje. Tramp taksama zaklikaŭ irancaŭ vyznačycca, kali jany hatovyja paŭstać i pačać baraćbu.

Tym časam Centralnaje kamandavańnie ZŠA paviedamiła pra ŭdary pa Iranie. Amierykanski bok zajaviŭ, što jany stali adkazam na ataki Korpusa vartavych isłamskaj revalucyi na kamiercyjnyja sudny ŭ Armuzskim pralivie i amierykanskich vajskoŭcaŭ u rehijonie.

Kamientary da artykuła