Turčyn pryznaŭsia ŭ prablemach biełaruskaha ekspartu
Premjer-ministr Biełarusi Alaksandr Turčyn paśla dakładu Alaksandru Łukašenku 2 vieraśnia — samoha Łukašenku, jak i zvyčajna pa sieradach, nie pakazvali, — zajaviŭ, što biełaruski ekspart sutykajecca z prablemami, u pieršuju čarhu ŭ śfiery łahistyki.
Alaksandr Turčyn
Pa słovach Turčyna, ekanamičnaja situacyja ŭ krainie ŭ cełym zastajecca stanoŭčaj: za siem miesiacaŭ nazirajecca rost VUP, a bolšaść halin vyjšła na stanoŭčuju dynamiku. Adnak stanovišča ŭ roznych halinach i na asobnych pradpryjemstvach istotna adroźnivajecca.
Siarod asnoŭnych ciažkaściaŭ premjer nazvaŭ prablemy z dastaŭkaj ekspartnych hruzaŭ. Źmieny ŭ mižnarodnaj situacyi ŭpłyvajuć na biełaruskich vytvorcaŭ i prymušajuć šukać alternatyŭnyja maršruty dla pastavak za miažu.
Niahledziačy na hetyja prablemy, Turčyn zajaviŭ, što ŭrad zachoŭvaje aściarožny aptymizm i raźličvaje na praciah stanoŭčych ekanamičnych tendencyj da kanca hetaha hoda i ŭ pačatku nastupnaha.
Čytajcie taksama:
U Pałac Niezaležnaści ŭ dzień adpačynku Łukašenki zaprasili 140 biznesmienaŭ. Ich prymaŭ Turčyn
Łatvija z 1 vieraśnia zabaraniła adusiul uvoz biełaruskich knih, adzieńnia i cacak
Ci zdymaje Biełaruś viarški z paliŭnaha kryzisu ŭ Rasii? Jość niuansy
Navapołacki NPZ rychtujecca da płanavaha ramontu. Heta kiepskaja navina dla Rasii