Redaktarku dziaržaŭnaha vydaviectva asudzili za «sadziejničańnie ekstremisckaj dziejnaści»
Minski haradski sud vynies prysud 33‑hadovaj Śviatłanie Dziaŭdziera.
Śviatłana Dziaŭdziera. Fota ź jaje staronki Ukantakcie
Śviatłanie Dziaŭdziera 33 hady, jana minčanka. Dziaŭčyna skončyła fakultet biełaruskaj i ruskaj fiłałohii BDPU imia Maksima Tanka, a taksama prajšła pierakvalifikacyju pa kirunku veb-dyzajnu.
Paśla ŭniviersiteta Dziaŭdziera pracavała nastaŭnicaj movy i litaratury ŭ himnazii-kaledžy mastactvaŭ imia Achremčyka, paśla čaho doŭhi čas była redaktaram vučebna-mietadyčnaha ŭpraŭleńnia Biełaruskaha dziaržaŭnaha ŭniviersiteta infarmatyki i radyjoelektroniki.
Z 2025 hoda Śviatłana pracavała redaktarkaj u dziaržaŭnym vydaviectvie «Adukacyja i vychavańnie».
Pa-za pracaj Śviatłana šmat uvahi addavała vałanciorstvu, zajmałasia žyviołami. Jana dapamahaje dekaratyŭnym hryzunam i ratavalnamu atradu «RATuj!», kansultuje inšych uładalnikaŭ i dapamahaje lačyć hadavancaŭ. Siarod inšych jaje zachapleńniaŭ — nastolnyja hulni dy nišavaja parfumieryja.
Minski haradski sud sudziŭ Dziaŭdziera pavodle častki 1 artykuła 361‑4 Kryminalnaha kodeksa (sadziejničańnie ekstremicskaj dziejnaści).
Joj prysudzili chatniuju chimiju.
Čytajcie taksama:
Pieršaha namieśnika hiendyrektara «Biełviesta» pasadzili na try z pałovaj hady za palityku
Litoŭskaha błohiera, jaki vaziŭ turystaŭ u Čarnobylskuju zonu, pasadzili ŭ Biełarusi za palityku