Staronki rasijskich apazicyjnych palitykaŭ Vołkava i Jašyna pryznali ŭ Biełarusi «ekstremisckimi»
U respublikanski śpis «ekstremisckich materyjałaŭ» dadali telehram-kanały dvuch apanientaŭ Kramla Leanida Vołkava i byłoha palitviaźnia Illi Jašyna.
Infarmacyjnuju pradukcyju telehram-kanałaŭ «Leonid Volkov» i «Ilja Jašin» pryznaŭ «ekstremisckaj» sud Łojeŭskaha rajona.
Leanid Vołkaŭ — rasijski apazicyjny palityk i adzin z najbližejšych paplečnikaŭ pamierłaha ŭ kałonii Alaksieja Navalnaha. Illa Jašyn — apazicyjny palityk, jakoha ŭ Rasii asudzili na vosiem z pałovaj hadoŭ kałonii za vykazvańni pra zabojstvy mirnych žycharoŭ u Bučy. U 2024 hodzie jon vyjšaŭ na volu ŭ vyniku abmienu źniavolenymi pamiž Rasijaj i krainami Zachadu.
U abnoŭleny śpis Ministerstva infarmacyi taksama trapili instahram-akaŭnt «masahiro_sibbata» i tyktok-akaŭnt «Tot samyj Biełorus».