«Biełavija» zapuskaje kod-šerynh z rasijskaj Red Wings — rejsy dźviuch kampanij možna budzie kupić adnym biletam
«Biełavija» pačała pradavać kvitki jašče ŭ try rasijskija harady.
Pasažyry «Biełavia» ciapier mohuć kupić u miežach adnaho braniravańnia kvitki ź Minska ŭ Samaru, Čalabinsk i Pierm.
«Biełavija» i Red Wings pašyryli supracoŭnictva pavodle kod-šerynhavaha pahadnieńnia, paviedamiŭ biełaruski avijapieravozčyk.
Kod-šerynh dazvalaje adnoj avijakampanii pradavać kvitki na rejsy, jakija faktyčna vykonvaje inšaja. Tamu kvitki na pramyja pieraloty pamiž Minskam i Samaraj, Čalabinskam abo Piermiu možna nabyć u «Biełavia», ale pieravozić pasažyraŭ budzie Red Wings.
Pašyryŭsia i śpis maršrutaŭ ź pierasadkaj u Jekaciarynburhu. Ź Minska takim čynam možna budzie dalacieć da Ałmaty, Barnauła, Samary, Tomska, Ufy, Surhuta i Arenburha.
Pieršy adrezak — ad Minska da Jekaciarynburha — vykonvaje «Biełavija», a dalejšy pieralot — Red Wings. Uvieś maršrut možna aformić adnym biletam.
Kvitki ŭžo pradajucca na sajtach abiedźviuch avijakampanij, u ich kasach i ŭ ahientaŭ.