U akupavanym Sievastopali ŭzarvali aŭtamabil. Jaho ŭładalnik paranieny
Vybuch adbyŭsia prykładna za 200 mietraŭ ad miesca, dzie try tydni tamu zahinuŭ aficer rasijskaha fłotu Robiert Šahiejeŭ — były kamandzir ukrainskaj padłodki, jaki pierajšoŭ na bok Rasii.
Ranicaj 2 vieraśnia na vulicy Kołabava ŭ Sievastopali ŭzarvaŭsia aŭtamabil Mazda.
Miascovyja žychary raskazali, što pačuli mocny vybuch kala 6:45 ranicy.
Telehram-kanał Baza piša, što pad dnišča aŭtamabila mahli padkłaści samarobnaje vybuchovaje prystasavańnie. U vyniku paciarpieŭ uładalnik mašyny, jaho dastavili ŭ balnicu.
Kanał Shot paćviardžaje vybuch i špitalizacyju mužčyny, ale adznačaje, što abstaviny pakul vyśviatlajuć.
Heta ŭžo druhi padobny vybuch u hetym rajonie za apošni miesiac.
13 žniŭnia za niekalki socień mietraŭ ad hetaha miesca ŭ vyniku vybuchu zahinuŭ aficer rasijskaha fłotu Robiert Šahiejeŭ — były kamandzir ukrainskaj padvodnaj łodki «Zaparožža», jaki paśla anieksii Kryma pierajšoŭ na bok Rasii. FSB zajaviła, što zatrymała žančynu, jakaja zakłała vybuchoŭku pavodle zadańnia ŭkrainskich śpiecsłužbaŭ.