U Minsku 1 vieraśnia «zaminiravali» škoły, balnicy i Ministerstva abarony
U Minsku 1 vieraśnia pastupili elektronnyja paviedamleńni pra nibyta zakładzienyja vybuchovyja pryłady ŭ šerahu miedycynskich i navučalnych ustanoŭ. Pavodle HUUS Minharvykankama, infarmacyja akazałasia chłuślivaj.
Budynak na vulicy Azhura, 4. Fota: Jandeks.Karty
Na miescy apieratyŭna pracavali sapiorna-piratechničnyja hrupy. Śpiecyjalisty abśledavali budynki i prylehłyja terytoryi, ale niebiaśpiečnych pradmietaŭ i vybuchovych pryład nie znajšli. Milicyja vyśviatlaje, chto stajaŭ za rassyłkaj hetych paviedamleńniaŭ.
Akramia taho, pavodle infarmacyi Reform.news, u hety ž dzień z-za paviedamleńnia pra miniravańnie evakujavali supracoŭnikaŭ adnaho z karpusoŭ Ministerstva abarony Biełarusi na vulicy Azhura, 4. Pavodle adkrytych źviestak, tam raźmiaščajucca «Instytut Vajenprajekt» i ŭpraŭleńnie administracyjna-haspadarčaha zabieśpiačeńnia centralnych orhanaŭ vajskovaha kiravańnia. Krynica vydańnia taksama śćviardžaje, što ŭ budynku znachodziacca struktury Hienieralnaha štaba.
Aficyjna ŭłady pra atrymańnie paviedamleńnia ab «miniravańni» budynka Minabarony nie paviedamlali.