Na tarhi vystavili mašynu ksiandza Akałatoviča
Na aŭkcyjonie «BiełJurZabieśpiačeńnie» na prodaž vystavili Volkswagen Transporter 2007 hoda, jaki naležaŭ byłomu palitźniavolenamu, ksiandzu Hienrychu Akałatoviču, zaŭvažyła «Chryścijanskaja vizija».
Hienryk Akałatovič
Pačatkovaja cana aŭtamabila — 16 860 rubloŭ. Tarhi pryznačanyja na 15 vieraśnia. Na mašynu nakładzieny aryšt sudovaha vykanaŭcy.
Heta ŭžo nie pieršaja sproba biełaruskich uładaŭ pradać majomaść śviatara. Raniej z aŭkcyjonu pajšli jahonyja staryja abrazy — ich nabyŭ adziny zarehistravany ŭdzielnik. A voś ziamielny ŭčastak u Baranavickim rajonie pradać nie ŭdałosia. Aŭtamabili Akałatoviča taksama raniej vystaŭlalisia na tarhi.
Sam Hienrych Akałatovič byŭ aryštavany 16 listapada 2023 hoda i asudžany na 11 hadoŭ kałonii pavodle abvinavačańnia ŭ «zdradzie dziaržavie». U listapadzie 2025 hoda jaho vyzvalili paśla pamiłavańnia, paśla čaho jon vyjechaŭ u Rym.
Čytajcie taksama:
Znajšoŭsia kupiec na try abrazy ksiandza Hienrycha Akałatoviča
Vystavili na prodaž jašče niekalki abrazoŭ, aryštavanych u ksiandza Hienrycha Akałatoviča
Aryštavany ŭčastak ksiandza Akałatoviča za try aŭkcyjony nichto nie kupiŭ