Sumiesnaje biełaruska-kyrhyzskaje pradpryjemstva pa vytvorčaści elektratransfarmataraŭ adkryjecca ŭ Kyrhyzstanie
U vieraśni adbudziecca aficyjnaje adkryćcio sumiesnaha biełaruska-kyrhyzskaha pradpryjemstva pa vytvorčaści elektryčnych transfarmataraŭ, paviedamlaje BIEŁTA.
31 žniŭnia ŭ Biškieku z udziełam ministra zamiežnych spraŭ Biełarusi Maksima Ryžankova adbyłasia ŭračystaja cyrymonija padpisańnia dahavora pra zapusk sumiesnaha pradpryjemstva. Aficyjnaje adkryćcio zavoda zapłanavanaje na 11 vieraśnia ŭ anłajn-režymie z udziełam prezidenta Kyrhyzstana Sadyra Žaparava.
Ź biełaruskaha boku ŭ realizacyi hetaha prajekta ŭdzielničaje Minski elektratechničny zavod imieni V.I. Kazłova.