Rabaŭ raspavioŭ, jakim budzie vierasień u Biełarusi
Pieršy miesiac vosieni paraduje biełarusaŭ ciapłom i płaŭnym pierachodam ad letniaj śpioki da vosieńskaj prachałody, a Mietearałahičnaje leta zastaniecca ŭ krainie jašče na paŭtara-dva tydni.
Fota: lookby.media
Pavodle prahnozu sinoptyka Dźmitryja Rabava ŭ efiry ANT, vierasień vyjdzie na 1-2°S ciaplejšym za klimatyčnuju normu. Choć u paraŭnańni sa žniŭniem tempieratura apuścicca prykładna na 5°S, nadvorje zachavaje kamfortnyja paramietry dziakujučy pieryjadu maładoha «babinaha leta», kali siaredniasutkavyja pakazčyki trymajucca vyšej za +15°C.
Uzrovień apadkaŭ abiacaje być u miežach normy. Navalnicy pry hetym stanuć redkaściu (nie bolš za dva dni za miesiac). Śvietłavy dzień pastupova skarocicca z 13 hadzin na pačatku vieraśnia da 11 naprykancy.
Sinoptyk papiaredziŭ, što ranišniaja i viačerniaja prachałoda stanie ŭsio bolš adčuvalnaj, a bližej da kanca miesiaca na poŭnačy i paŭnočnym uschodzie krainy ŭžo mahčymyja pieršyja načnyja zamarazki.