Kancert Instasamki ŭ Łondanie admianili paśla skarhi deputatki-rasijanki
Kancert papularnaj rasijskaj błohierki pavinien byŭ adbycca ŭ kłubie For Your Eyes Only 14 listapada.
Instasamka (Darja Zaciejeva)
Municypalnaja deputatka ad Partyi libieralnych demakrataŭ i adna z zasnavalnic mižparłamienckaj hrupy Russia Watch u parłamiencie Brytanii Ksienija Maksimava nakiravała tudy zapyt z prośbaj admianić vystup, piša «Dožd́»
U liście jana śćviardžaje, što Instasamka (Darja Zaciejeva) pieraličvała hrošy rasijskim vajskoŭcam i ŭniesienaja ŭ bazu ŭkrainskaha sajtu «Miratvorac».
Maksimava atrymała adkaz ad placoŭki, u jakim havorycca, što «paśla pilnaha razhladu» kłub pryniaŭ pastanovu «nie pravodzić hetaje mierapryjemstva ŭ svaich pamiaškańniach».