Tramp abviaściŭ pra zaklučeńnie ź Vieniesuełaj najbujniejšaj naftavaj ździełki ŭ historyi
Pa jahonych słovach, zabiaśpiečany kantrol ZŠA nad bolšaściu z bolš jak 65 młrd baralaŭ.
Fota: Anna Moneymaker / Getty Images
Tramp abviaściŭ pra ŭkładańnie ź Vieniesuełaj najbujniejšaj naftavaj ździełki ŭ historyi. Pra heta prezident ZŠA napisaŭ u sacyjalnaj sietcy Truth Social.
«Pa maim daručeńni dziaržaŭny sakratar Marka Rubia i ministr abarony Pit Chiehsiet, ciesna supracoŭničajučy z pavažanym časovym prezidentam Vieniesueły Dełsi Radryhies i dziakujučy partniorstvu z pryvatnym biznesam, zabiaśpiečyli kantrol ZŠA nad bolšaściu z bolš čym 65 młrd barelaŭ dakazanych zapasaŭ nafty ŭ Vieniesuele biez vydatkaŭ dla amierykanskich padatkapłatnikaŭ», — śćviardžaje Donald Tramp.
Pavodle jaho słoŭ, u vyniku ŭhody ZŠA bolš čym udvaja pavialičać svaje zapasy nafty, pavialičać impart nafty, a ŭ budučyni heta dazvolić «istotna źnizić ceny na bienzin dla ŭsich amierykancaŭ».
«Hetaja ździełka značna ŭmacuje i biez taho ŭsio bolš ščylnyja adnosiny pamiž Vieniesuełaj i Złučanymi Štatami!» — adznačyŭ Tramp.