Žančyna nabirała vadu i zvaliłasia ŭ kałodziež
Zdareńnie adbyłosia ŭčora ŭ vioscy Bujaŭščyna ŭ Šarkoŭščynskim rajonie.
Učora na liniju 112 patelefanavała žančyna i paviedamiła, što jaje susiedka ŭpała ŭ kałodziež, paviedamlaje MNS.
Piensijanierka nabirała vadu, straciła raŭnavahu i ŭpała ŭ kałodziež. Kryki ab dapamozie pačuła susiedka — jana ž i vyklikała vyratavalnikaŭ.
Rabotniki MNS z dapamohaj leśvicy i vyratavalnaj viaroŭki padniali piensijanierku z kałodzieža i pieradali jaje bryhadzie chutkaj miedycynskaj dapamohi.
Paśla ahladu vyratavanaja ad špitalizacyi admoviłasia.