Łaŭroŭ zajaviŭ, što Rasija choča vyrašyć pytańnie vajny va Ukrainie «pa-pacansku»

Kiraŭnik MZS Rasii Siarhiej Łaŭroŭ ŭ intervju vydańniu RBK raskazaŭ pra padychod Kramla da pieramoŭ z prezidentam ZŠA Donaldam Trampam. Pavodle jaho słoŭ, rasijskija ŭłady imknucca vyrašać pytańni «pa-pacansku», što jon nazyvaje «vysakarodnym» padychodam.

Siarhiej Łaŭroŭ. Fota: mfa_russia / Twitter

Łaŭroŭ śćviardžaje, što mienavita z takim nastrojem Uładzimir Pucin hod tamu jechaŭ na sustreču z Trampam u Ankorydž. Rasijski bok nibyta raźličvaŭ damovicca tam pra zaviaršeńnie vajny i padpisać adpaviednaje pahadnieńnie.

«My pryvykli spravy rabić, možna skazać, vysakarodna, možna skazać, pa-pacansku, što, pa sutnaści, adno i toje ž», — śćviardžaje kiraŭnik MZS Rasii.

Pavodle Łaŭrova, Pucin padčas pieramovaŭ całkam pahadziŭsia z prapanovami Trampa i baki nibyta «ŭdaryli pa rukach». Adnak paźniej, jak śćviardžaje rasijski ministr, u praces umiašalisia pradstaŭniki Jeŭrasajuza i prezident Ukrainy Uładzimir Zialenski, jakija nibyta sarvali dasiahnutyja ŭ Ankorydžy damoŭlenaści.

Paśla hetaha pazicyja Biełaha doma, pavodle Łaŭrova, istotna źmianiłasia, a dziaržsakratar ZŠA Marka Rubia zaklikaŭ šukać novyja padychody da pieramoŭ.

Kamientary da artykuła