Minčuk skraŭ 12 rovaraŭ pa darozie na «chimiju»
Niezvyčajny vypadak kradziažoŭ rovaraŭ udałosia raskryć minskaj milicyi. «Rovarny» złodziej uhaniaŭ ich pa darozie na «chimiju».
Raniej sudzimy žychar Minska, jaki adbyvaje pakarańnie va ŭstanovie adkrytaha typu, ranicaj vychodziŭ z domu da miesca papraŭčych rabot i pa darozie kraŭ pakinutyja biez uvahi ŭładalnikaŭ rovary. Jak praviła, kradziažy ździajśnialisia z padjezdaŭ i leśvičnych pralotaŭ.
Pavodle papiaredniaj infarmacyi, minčuk takim čynam skraŭ 12 rovaraŭ na terytoryi Savieckaha, Pieršamajskaha i Centralnaha rajonaŭ. Darahija rovary (pieravažna hornyja) złamyśnik zbyvaŭ na rynku pa $100.