Pamior karol Narviehii Charald V
Charald V zajmaŭ narviežski pasad bolš za 35 hadoŭ.
Karol Narviehii Charald V i jaho žonka Sonia. Fota: AP Photo / Francisco Seco
Pamior karol Narviehii Charald V. Pra śmierć manarcha paviedamiŭ karaleŭski dvor.
Charald V pamior ranicaj va ŭniviersiteckaj balnicy Osła, dzie znachodziŭsia na lekavańni. U apošnija tydni stan karala rezka pahoršaŭ: 17 žniŭnia jaho špitalizavali, paźniej lekary dyjahnastavali bakteryjalnuju infiekcyju kryvi. Napiaredadni dvor paviedamlaŭ, što stan manarcha aceńvajecca jak «vielmi ciažki».
Charald V zajmaŭ narviežski pasad bolš za 35 hadoŭ — jon zaniaŭ tron 17 studzienia 1991 hoda paśla śmierci svajho baćki Ułafa V. Jon naradziŭsia ŭ 1937 hodzie i staŭ pieršym narviežskim pryncam, jaki naradziŭsia ŭ krainie za 567 hadoŭ.
U 1968 hodzie Charald ažaniŭsia z Soniaj Charaldsien, ź jakoj da hetaha sustrakaŭsia dzieviać hadoŭ. Šlub spadkajemca trona ź dziaŭčynaj niearystakratyčnaha pachodžańnia tady vyklikaŭ sprečki nakont budučyni narviežskaj manarchii.
Spadčyńnikam trona źjaŭlajecca syn Charalda, 53‑hadovy kronprync Chokan, jaki padčas chvaroby baćki ŭžo vykonvaŭ abaviazki rehienta.