U Minsku zaŭvažyli varon, jakija hulali ŭ futboł VIDEA
U Minsku na adnoj sa spartyŭnych placovak zaŭvažyli niezvyčajnych «futbalistaŭ» — varon, jakija hulali ź miačom, piša «Anłajnier».
Skrynšot ź videa
Na videa, apublikavanym u Threads, vidać, jak adna z ptušak upeŭniena kataje miač dziubaj i navat nibyta adpracoŭvaje viadzieńnie.
Rolik chutka sabraŭ sotni kamientaroŭ. Karystalniki žartavali, što pierad imi «pierarodžanyja Maradony», budučyja forvardy zbornaj Biełarusi i varony, jakija žyvuć svajo najlepšaje žyćcio.
Darečy, krumkačovyja ptuški ličacca adnymi z samych razumnych ptušak. Jany mohuć zapaminać čałaviečyja tvary, razhadvać hałavałomki i rabić prostyja statystyčnyja vysnovy. Niahledziačy na adnosna nievialiki mozh, u ich kala 1,5 miljarda niejronaŭ, što zabiaśpiečvaje vysokija kahnityŭnyja zdolnaści.
Čytajcie taksama:
Ptuškaj hoda 2027 hoda stała ščurka-pčałajedka