U Nacbanku raskazali, što cikavaść biełarusaŭ da jeŭra imkniecca da nula
Namieśnik staršyni praŭleńnia Nacyjanalnaha banka Andrej Kartun raskazaŭ u efiry telekanała «Biełaruś 1», jak źmianilisia valutnyja pieravahi biełarusaŭ.
Zdymak ilustracyjny. Fota: «Naša Niva»
Pavodle słoŭ Andreja Kartuna, jeŭra, jaki raniej zajmaŭ bolš za 20% u struktury biełaruskich valutnych płaciažoŭ, ciapier praktyčna pierastaŭ karystacca popytam i jaho dola imkniecca da nula.
Źmienšyłasia i cikavaść biełarusaŭ da dalara. Pry hetym nasielnictva ŭsio čaściej zachoŭvaje hrošy ŭ biełaruskich rublach. Ahulny abjom depazitaŭ hramadzian pieravysiŭ 25 miljardaŭ rubloŭ, a kala 70% układaŭ ciapier naminavanyja ŭ rublach. Jašče niekalki hadoŭ tamu prykładna pałova depazitaŭ była ŭ dalarach.
Andrej Kartun taksama adznačyŭ, što ŭžo treci hod zapar biełarusy ŭ cełym bolš pradajuć zamiežnuju valutu, čym kuplajuć.
Čytajcie taksama:
Nacbank padličyŭ, kolki hrošaj biełarusy adpravili za miažu i kolki atrymali
Dalar znoŭ pa try rubli. Čamu tak adbyvajecca i čaho čakać dalej
Rublovyja depazity z pačatku hoda vyraśli amal na 18 pracentaŭ