Pamior Uładzisłaŭ Stalmachoŭ
«Čarhovaja trahiedyja. Nie stała vybitnaha biełaruskaha mastaka Uładzisłava Stalmachova, jaki apošnim časam žyŭ pad Varšavaj», — napisaŭ u svaim fejsbuku piśmieńnik i žurnalist Aleś Arkuš.
Uładzisłaŭ Stalmachoŭ
Mastak Uładzisłaŭ Stalmachoŭ pamior 26 žniŭnia. Nakolki viadoma, pryčynaj stała vostraja sardečnaja niedastatkovaść — chutkaja nie paśpieła jaho vyratavać.
Uładzisłaŭ Stalmachoŭ naradziŭsia ŭ 1970 hodzie.
Skončyŭ Minski radyjotechničny instytut. Padčas vučoby pracavaŭ mastakom-afarmicielem i paralelna atrymlivaŭ prafiesijnuju mastackuju padrychtoŭku.
Užo z 1991 hoda Stalmachoŭ udzielničaŭ u nieaficyjnych mastackich vystavach u Minsku i Viciebsku. Z kanca 1990‑ch pačaŭ aktyŭna vystaŭlacca piersanalna. Jaho pracy pakazvali ŭ Biełarusi, Hiermanii, Luksiemburhu, Šviejcaryi, Danii, Šviecyi, Rasii, a paźniej i ŭ Polščy dy Francyi. Na jaho rachunku bolš za dva dziasiatki piersanalnych vystaŭ.
Stalmachova časta nazyvajuć mastakom-prymityvistam, ale heta aznačeńnie tolki častkova apisvaje jaho. Jon śviadoma karystajecca movaj naiŭnaha mastactva: parušaje realistyčnyja praporcyi, nie imkniecca da pravilnaj pierśpiektyvy, robić čałavieka padobnym na piersanaža kazki ci haradskoha falkłoru.