Pamior akcior z «Adzin doma» Cim Kary

Brytanskamu akcioru Cimu Kary było 80 hadoŭ.

Cim Kary

Cim Kary staŭ šyroka viadomy dziakujučy roli žachlivaha kłouna Pienivajza ŭ ekranizacyi ramana Styviena Kinha «Jano», jakaja vyjšła ŭ 1990 hodzie. Jašče adna jahonaja viadomaja rola — mister Chiektar, administratar hatela ŭ kamiedyi «Adzin doma 2».

Akramia hetaha, Kary źniaŭsia ŭ kultavym «Šou žachaŭ Roki Chorara», filmach «Ulika» i «Try muškieciory», a taksama ŭ mnohich inšych kinaprajektach.

U 2012 hodzie aktor pieranios ciažki insult. Paśla hetaha jon byŭ prykavany da invalidnaha vazka, adnak nie spyniŭ tvorčuju dziejnaść. U asnoŭnym Kary zajmaŭsia ahučvańniem i čas ad času ŭdzielničaŭ u publičnych mierapryjemstvach.

Kamientary da artykuła