U vyniku pavodki ŭ Niepale prapali 384 turysty
Paśla raptoŭnaj pavodki na race Bchote-Košy ŭ rajonie Rasuva na poŭnačy Niepała bieź viestak źnikłymi ličacca nie mienš za 384 turysty. Siarod ich 291 zamiežny hramadzianin i 93 hramadzianie Niepała, paviedamlaje Saviet pa turyźmie Niepała.
Ilustracyjnaje fota. Subaas Shrestha/NurPhoto via Getty Images
U vyniku mahutnaj pavodki zahinuli jak minimum vosiem čałaviek, paviedamlaje partał BSS News sa spasyłkaj na pradstaŭnika palicyi.
Siarod zamiežnikaŭ, jakija ličacca źnikłymi bieź viestak, bolš za ŭsio hramadzian Indyi — 105 čałaviek. Jašče 37 čałaviek majuć indyjskaje pachodžańnie, ale nie źjaŭlajucca hramadzianami Indyi.
Taksama ŭ śpisie jość hramadzianie Aŭstralii, Niderłandaŭ, ZŠA, Małajzii, Vialikabrytanii i PAR. Hramadzianstva astatnich źnikłych turystaŭ vyśviatlajecca.