U Maskvu prylacieŭ samalot vajskova-pavietranych sił ZŠA z bazy Endrus
Ranicaj u aŭtorak, 25 žniŭnia, u maskoŭski aeraport Unukava pryziamliŭsia vajskova-transpartny samalot VPS ZŠA Boeing C-17 Globemaster III z bartavym numaram RCH4555, śviedčać danyja servisu flightradar24.com, piša RBK.
Zhodna ź imi, bort vylecieŭ prykładna a 8:50 z Ryhi, jaho maršrut zaviaršyŭsia kala 10:04 va Unukavie. Jak paviedamlaje servis, na hety momant palot samalota im nie adsočvajecca, pakolki jon «znachodzicca pa-za zonaj pakryćcia albo ŭžo pryziamliŭsia».
Infarmacyja ab apošnich palotach, zroblenych hetym samalotam, śviedčyć, što jon prybyŭ u Ryhu 23 žniŭnia, zychodnym punktam pakazany horad Kemp-Sprynhs u amierykanskim štacie Merylend, dzie raźmieščana avijabaza Endrus, na jakoj bazujecca Air Force One — samalot prezidenta ZŠA.