Biełaruska atrymała z adnoj pasiejanaj siemki 90 kiłahramaŭ kavunoŭ
Biełaruska z Vaŭkavyska pachvaliłasia niezvyčajnym uradžajem kavunoŭ. Jana vyroščvaje roznyja sarty i sioleta vyrašyła vyznačyć, jakija ź ich dali najbolšy ŭradžaj, piša Tochka.by.
Skrynšot ź videa
Žančyna pryznajecca, što prosta vyraścić kavun joj užo niecikava. Jana imkniecca atrymać jak maha bolš pładoŭ ź minimalnaj płoščy i pry nievialikim dohladzie. Vynikami ekśpierymientu jana padzialiłasia ŭ tyktoku.
Na hradkach u jaje ciapier zastalisia poźniaśpiełyja bujnyja kavuny, a taksama drobnyja, niekandycyjnyja płady vahoj da 3 kh.
Treciaje miesca zaniaŭ sort «Talisman» — ź siami kavunoŭ atrymałasia 75,2 kh. Druhim staŭ «El Uafi»: 11 kavunoŭ razam paciahnuli na 83,4 kh.
A pieramožcam staŭ sort «Ramanza». Z adnaho kusta žančyna sabrała 10 kavunoŭ ahulnaj vahoj 89,2 kh.
Biełaruska pryznałasia, što sama ździŭlenaja takim vynikam i skazała: «Prosta nie vierycca».