Pucin dazvoliŭ pieradavać dziaržavie abjekty, nieabaronienyja ad dronaŭ
Prezident Rasii Uładzimir Pucin padpisaŭ ukaz, jaki dazvalaje ŭvodzić časovaje dziaržaŭnaje kiravańnie na abjektach krytyčnaj infrastruktury Rasii, uładalniki jakich nie pryniali dastatkovych mier dla ich abarony, u tym liku ad atak bieśpiłotnikaŭ.
Fota ilustracyjnaje
Havorka idzie pra pradpryjemstvy paliŭna-enierhietyčnaha kompleksu, pramysłovaści, suviazi, ŽKH, transpartnaj i łahistyčnaj śfieraŭ, a taksama pra inšyja abjekty, važnyja dla biaśpieki krainy, ekanamičnaj stabilnaści i žyćciadziejnaści nasielnictva.
Zhodna z ukazam, u časovaje kiravańnie dziaržavie mohuć pieradavacca nieruchomaść, kaštoŭnyja papiery, doli ŭ statutnym kapitale i majomasnyja pravy arhanizacyj i fizičnych asob, jakija vałodajuć takimi abjektami. Kiravać imi budzie Rasmajomaść albo inšaja pryznačanaja rasijskimi ŭładami struktura.
Taki miechanizm płanujuć vykarystoŭvać u suviazi z rostam pahrozy dla rasijskaj krytyčnaj infrastruktury padčas vajny. Raniej rasijski biznes źviartaŭsia da ŭładaŭ z prośbaj vyznačyć zrazumiełyja schiemy finansavańnia abarony pradpryjemstvaŭ ad bieśpiłotnikaŭ.
U apošnija miesiacy ŭ Rasii pačaścilisia ataki ŭkrainskich dronaŭ na pramysłovyja i łahistyčnyja abjekty, u tym liku składy bujnych markietpłejsaŭ i naftapierapracoŭčyja pradpryjemstvy. Rasijskija ŭłady ŭžo dazvolili niekatorym kampanijam nabyvać srodki dla abarony ad BPŁA, uklučajučy radyjołakacyjnaje abstalavańnie, srodki radyjoelektronnaj baraćby i zienitnyja sistemy.
Čytajcie taksama:
Pucin: Ukraina sama vypuściła džyna z butelki. Atrymajcie adkaz
«Ukraina inšaja i svajho nie addaść». Zialenski pavinšavaŭ krainu z Dniom niezaležnaści