Biełčyhunka praz budaŭnictva čyhunki ŭ Nacyjanalny aeraport mianiaje raskład ciahnikoŭ

Biełaruskaja čyhunka pačała čarhovy etap budaŭnictva chutkasnaj pasažyrskaj linii Minsk — Haradzišča — industryjalny park «Vialiki kamień» — Nacyjanalny aeraport Minsk. Z 24 žniŭnia źmianiajecca raskład ruchu ciahnikoŭ na ŭčastku Minsk — Orša.

Zdymak ilustracyjny. Fota: Lookby.media

U suviazi z budaŭničymi rabotami častka ciahnikoŭ na maršrucie Minsk — Orša budzie kursavać pa źmienienym raskładzie abo maršrucie, a niekatoryja rejsy časova admieniać.

Karektavańnie raskładu budzie dziejničać u pieryjady z 24 da 28 žniŭnia, z 7 da 26 vieraśnia, z 28 vieraśnia da 7 kastryčnika, a taksama z 8 kastryčnika da ŭviadzieńnia novaha raskładu na 2026/2027 hod.

Budaŭnictva novaj linii praciahłaściu 41,8 kiłamietra pačałosia ŭ vieraśni 2025 hoda. Zaviaršyć prajekt płanujuć u žniŭni 2028 hoda. Paśla zapusku chutkasnych ciahnikoŭ daroha ad Minska da aeraporta pavinna zajmać mienš za 30 chvilin.

Na pieršym etapie płanujecca pavialičyć prapusknuju zdolnaść učastka pamiž stancyjami Minsk-Pasažyrski i Haradzišča i skaracić čas pajezdki. U dalejšym pabudujuć kala 18 kiłamietraŭ novych rejek da «Vialikaha kamienia» i Nacyjanalnaha aeraporta.

Ciapier asnoŭnyja raboty viaducca na pierahonie Kałodziščy — Haradzišča. Tam užo padrychtavana ziemlanoje pałatno, zmantavažanaja rejka-špalnaja kratka treciaha hałoŭnaha puci i strełačnyja pieravody. Taksama praciahvajecca ŭstanoŭka kantaktnaj sietki i sistem aŭtamatyki, budujecca novy prypynačny punkt «Sadovy».

Kamientary da artykuła