U Biełastoku sudziać dvuch biełarusaŭ i palaka za kantrabandu cyharet z dapamohaj dronaŭ
Akruhovy sud Biełastoka pačaŭ razhladać spravu ab kantrabandzie cyharet z dapamohaj dronaŭ. Na łavie padsudnych apynulisia dva hramadzianiny Biełarusi i adzin hramadzianin Polščy, piša Most.
Troje abvinavačanych — daŭnija siabry, jakija žyvuć u Biełastoku. Biełarusy pražyvajuć u adnym budynku, a palak časta prychodziŭ da ich u hości.
Abvinavačanych zatrymali ŭ krasaviku ranicaj, kali jašče było ciomna. U telefonie adnaho ź ich vyjavili skrynšoty z kaardynatami punktaŭ u lesie pad Biełastokam. Patruli pamiežnikaŭ vyjechali na hetyja miescy i znajšli zahornutyja ŭ plonku cyharety.
Troch mužčyn abvinavačvajuć u kantrabandzie 4,6 tysiačy pačakoŭ cyharet acenačnym koštam 94 tysiačy złotych (22 tysiačy jeŭra)
Nichto z mužčyn nie pryznaje svajoj viny. Abvinavačanyja śćviardžajuć, što jechali šukać zhublenyja telefon i kašalok, kali ich zatrymali pamiežniki. Usie jany znachodziacca pad vartaj.
U apošni čas Polšča časta razhladaje kantrabandu cyharet jak parušeńnie sankcyj, uviedzienych suprać Biełarusi za jaje saŭdzieł u vajnie suprać Ukrainy. Za heta praduhledžana pazbaŭleńnie voli na termin ad troch hadoŭ.