U Vilejskim rajonie zakryli nielehalny spartyŭny letnik
Prakuratura Vilejskaha rajona padčas letnich pravierak vykryła, pavodle jaje vyznačeńnia, padpolny dziciačy letnik.
Na terytoryi adnoj ź miascovych ahrasiadzib pracavaŭ niesankcyjanavany letnik — tam prachodzili spartyŭnyja zbory pa karate. U letniku adpačyvali bolš za 30 dziaciej i padletkaŭ ad 7 da 17 hadoŭ pad nahladam troch trenieraŭ.
Pravierka vyjaviła mnostva hrubych parušeńniaŭ.
Letnik nie byŭ uklučany ŭ aficyjny rejestr Azdaraŭlenčaha centra. U štacie nie było miedyka, a z balnicaj ci paklinikaj nie skłali damovu na absłuhoŭvańnie. Treniery i kuchar nie zmahli pakazać miedycynskija knižki i dakumienty pra prachodžańnie hihijeničnaha navučańnia.
Častka dziaciej žyła na druhim paviersie łaźni, inšyja — u brudnych damach, dzie daŭno nie prybirali.
Vohnietušycieli byli niaspraŭnyja, a chaładzilniki ŭklučyli praź niebiaśpiečnyja padaŭžalniki.