Sprava EHU zakranuła 175 čałaviek
U Biełarusi praciahvajecca maštabny pieraśled, źviazany ź Jeŭrapiejskim humanitarnym univiersitetam.
Paśla taho, jak univiersitet u Vilni pryznali «ekstremisckaj arhanizacyj» siłaviki raspačali masavuju kryminalnuju spravu za «sadziejničańnie i finansavańnie ekstremisckaj dziejnaści».
Na 17 žniŭnia, pravaabaroncam «Viasny» viadomy proźviščy bolš jak 110 studentaŭ EHU i ich rodnych, jakich pačali pieraśledavać u Biełarusi za ich navučańnie ŭ EHU. Ahułam pad represii patrapili 175 čałaviek, kali ličyć taksama paciarpiełych siamiejnikaŭ studentaŭ.
Ličba paciarpiełych moža być značna bolšaja, bo ŭłady namahajucca schavać represii, a ludzi bajacca pieradavać danyja, adznačajuć pravaabaroncy.