Nasuprać ZAHSa Savieckaha rajona Minska adkryłasia tematyčnaja zona adpačynku «Šlach da ščaścia»
Na vulicy Hamarnika ŭ Minsku skončyłasia rekanstrukcyja bulvara. Kancepcyja abnoŭlenaha skviera zasnavana na evalucyi adnosin — ad znajomstva da stvareńnia siamji, pišuć «Minsk-Naviny».
Što źjaviłasia ŭ novaj łakacyi? Jaje hości prachodziać praz try art-arki, jakija simvalizujuć znajomstva, zaradžeńnie kachańnia i stvareńnie siamji.
Śpiecyjalna dla skviera navučency Minskaha dziaržaŭnaha kaledža ramiostvaŭ i dyzajnu imia M. Kiedyški vyrabili ažurnyja łaŭki ź fihurkami biełych hałuboŭ, a taksama raznuju altanku.
U zony ŭstalavany padviesnyja areli i kašpo ŭ formie zaručalnych piarścionkaŭ i sercaŭ, mastok dla fotasiesij, a taksama «Dreva žyćcia» dla pamiatnych zamočkaŭ ad maładych.
U altancy źjaviłasia śpiecyjalnaja knižnaja šafa ŭ vyhladzie viaskovaj chatki, dzie možna biaspłatna abmianiacca knihami.
U skviery vysadzili bolš za tysiaču biełych i ružovych ruž, ustalavali 52 łaŭki roznych typaŭ, 9 arelaŭ, 5 viełaparkovak i prakłali vieładarožki.