Kanapackaja zaklikała «biełarusaŭ, jakija miaškujuć tut», ładzić incydenty na «Novaj Biełarusi», abiacaje padziaku ad kamisii viartańnia
Sparynh-partniorka Alaksandra Łukašenki sama ŭ hetyja dni znachodzicca ŭ Varšavie.
Hanna Kanapackaja ŭ Varšavie. Fota: fejsbuk
Hanna Kanapackaja abiacaje biełarusam zamiežža padziaku ad «kamisii viartańnia», jakoj raniej kiravaŭ Andrej Švied, a ciapier uznačalvaje hienprakuror Dźmitryj Hara.
«Zaklikaju ŭsich dobrych ludziej-biełarusaŭ, jakija tut miaškujuć (jana maje na ŭvazie «žyvuć». — NN), pryjści na hety ivent i napichać u panamku statku źbiehłych ź Litvy ŭ Polšču samazvancaŭ, što parazitujuć na vašych biedach. Rabicie fota i videa dokazy vašaha ŭdziełu ŭ akcyi, i možna da nas, na Kamisiju pa viartańni. Nu a ja pajechała dalej. Usim biełarusam dabra i mira!» — napisała jana ŭ siabie ŭ fejsbuku.
Hanna Kanapackaja vystupała sparynh-partniorkaj Alaksandra Łukašenki na niekalkich vybarach. U 2020 hodzie, miarkujučy z pratakołaŭ z učastkaŭ, dzie adbyvaŭsia prazrysty padlik, nabirała kala 0,3% hałasoŭ. Spačatku jana hrała rolu «apazicyjanierki, jakaja cudam pieramahła na vybarach u Pałatu pradstaŭnikoŭ», paśla źmianiła ampłua.
U hetyja dni jana znachodzicca ŭ Varšavie.