Kazka ad Siarhieja Cichanoŭskaha źjaviłasia na jutub-kanale Akademii kiravańnia
Pakul prahladaŭ niašmat, ale sam fakt.
Vystaŭlenaja jana była šeść dzion tamu, napeŭna, na nastupny dzień paśla taho, jak Siarhiej prezientavaŭ svoj novy jutub-kanał. Pakul prahladaŭ kazki na sajcie Akademii kiravańnia niašmat — 395.
Na jutub-kanale Cichanoŭskaha jaje prahladzieli 11 tysiač čałaviek.
Siarhiej Cichanoŭski ŭ minułuju subotu prezientavaŭ svoj kanał z adsyłkaj na viadomy vierš pačatku XX stahodździa Alaksandra Błoka «Noċ, ulica, fonaŕ, aptieka».
Jon kaža, što, jašče siedziačy ŭ turmie ŭ 2023 hodzie, vyrašyŭ stvaryć kanał dla svaich vieršaŭ. «Vieršy — heta lusterka dušy, ja zaprašaju ŭsich zazirnuć mnie ŭ dušu», — zaklikaŭ eks-palitviazień.
Tady jon i zapościŭ «Novuju biełaruskuju kazku», napisanuju ŭ 2023 hodzie.
Na videa Cichanoŭski idzie pa lesie. Mahčyma, heta vakolicy Łos-Andželesa, dzie ciapier žyvie muž Śviatłany Cichanoŭskaj.
«Daŭnym-daŭno, u niejkim carstvie, 375‑m haspadarstvie, žyŭ sabie čaroŭny narodziec, padobny da inšych, ale vyrodziec. A vyrodstva było ŭ tym, što byŭ pazbaŭleny svabody», — pačynaje apovied eks-palitviazień.