Byłaja palitźniavolenaja Nasta Łojka sustrełasia sa svaim sabakam — praz amal čatyry hady
Eryku ŭžo 10. Jon žyŭ u siabroŭ Nasty ŭ Čechii.
Nasta Łojka i jaje sabaka Eryk. Fota: instahram Nasty
Pravaabaronca i byłaja palitźniavolenaja Nasta Łojka sustrełasia sa svaim sabakam Erykam — praz amal čatyry hady.
«Eryk byŭ troški niespakojny pierad. Paznaŭ, što my znajomyja, ale nie pamiataŭ, nakolki. Žyvocik padstaviŭ praz paŭhadziny.
Jamu ŭžo 10 hadoŭ, troški kulhaje, ale ŭ astatnim u psa cudoŭnaje lepšaje žyćcio ŭ klovych ludziej. Usim takoje zyčym», — napisała Nasta ŭ instahramie.
Nasta Łojka i jaje sabaka Eryk. Fota: instahram Nasty
Nastu Łojku aryštavali ŭ kastryčniku 2022 hoda, a vyzvalili ŭ sakaviku 2026‑ha ŭ vyniku vizitu amierykanskaj delehacyi ŭ Minsk. Pakul Nasta była za kratami, jaje sabaka pajechaŭ da jaje siabroŭ u Čechiju. Pa vyzvaleńni jana nie mahła jaho adrazu naviedać, bo čakała dakumienty. Eryka Nasta kaliści zabrała z prytułku.