Piać achoŭnikaŭ prykryvali Łukašenku, pakul jon fatahrafavaŭsia ź viaskovaj siamjoj
Jaho pres-słužba pachvaliłasia: «Takaja voś biełaruskaja «dyktatura»».
Fota: president.gov.by
Kali Alaksandr Łukašenka naviedvaŭ z pracoŭnym vizitam Vilejku, da jaho na vulicy padyšła siamja Filistovičaŭ. Hetyja šmatdzietnyja baćki vychoŭvajuć 11 dziaciej. Siamja žyvie ŭ vioscy Siadzica Vilejskaha rajona. Viasnoj im kiraŭnik Minskaj vobłaści Alaksiej Kušnarenka padaryŭ mikraaŭtobus.
Siamja paprasiła Łukašenku ab pamiatnym fota. Toj pahadziŭsia.
Fota: president.gov.by
Uvieś čas, pakul palityk razmaŭlaŭ i fatahrafavaŭsia ź siamjoj, kala jaho stajali piaciora achoŭnikaŭ, jak možna pabačyć u videa pres-słužby. Jany kantralavali natoŭp.
Skrynšot videa pres-słužby Łukašenki
Skrynšot videa pres-słužby Łukašenki
«Sfatahrafavacca z prezidentam — lohka. Takaja voś biełaruskaja «dyktatura»», — pachvaliłasia pres-słužba Łukašenki.