Va Ukrainie apublikavali śviežy palityčny rejtynh. Zialenski nie na pieršym miescy
I nie na druhim.
Uładzimir Zialenski. Fota: Antonio Masiello / Getty Images
Sacyjałahičnaje apytańnie było praviedziena 28 lipienia — 2 žniŭnia Centram sacyjalnych daśledavańniaŭ «Socys».
Rejtynh davieru da palityčnych lidaraŭ uznačaliŭ eks-kiraŭnik USU Valeryj Załužny, piša «Ukrainskaja praŭda».
Za im iduć były ministr abarony Michaił Fiodaraŭ i kamandujučy Siłami bieśpiłotnych sistem Robiert «Madziar» Broŭdzi.
Prezident Ukrainy Uładzimir Zialenski ŭ hetym rejtynhu zajmaje šostaje miesca.
Pavodle danych apytańnia, Załužnamu całkam daviarajuć 27,8% apytanych, 37% chutčej daviarajuć, 11,6% chutčej nie daviarajuć i 18,1% uvohule nie daviarajuć.
Fiodaravu całkam daviarajuć 26,8%, chutčej daviarajuć — 37,8%, chutčej nie daviarajuć — 8,5%, a zusim nie daviarajuć — 16,4%.
Treciaje miesca ŭ rejtynhu zajmaje Broŭdzi: jamu daviarajuć 25,4% apytanych, 25,8% chutčej daviarajuć, 7,4% chutčej nie daviarajuć i 17,7% zusim nie daviarajuć.
Čaćviortaje i piataje miescy pa ŭzroŭni davieru zaniali hałoŭnakamandujučy USU Michaił Drapaty (24%) i kiraŭnik Ofisa prezidenta Kirył Budanaŭ (23,8%).
Zialenski z adryvam bolš čym u 5% zaniaŭ šostaje miesca ŭ rejtynhu. Jamu daviarajuć 18% apytanych, chutčej daviarajuć 24, 5%, chutčej nie daviarajuć 17% i zusim nie daviarajuć 37%.