Niamieckaja dypłamatka ŭ Minsku ŭ parku Janki Kupały pračytała vierš biełaruskaha kłasika
A jaje muž adkazaŭ vieršam Hiejne.
Pavieranaja ŭ spravach Hiermanii ŭ Biełarusi Katryn aus dem Zipen razam z mužam zapisali kranalny videazvarot da biełarusaŭ z nahody apošniaha miesiaca leta.
Padčas prahułki pa minskim parku imia Janki Kupały kala pomnika biełaruskamu pieśniaru jany pradekłamavali vieršy na dźviuch movach.
Katryn aus dem Zipen začytała na biełaruskaj movie radki ź vierša Janki Kupały «Leta ty, leta pryhoža-kviacistaje, kolki ty ŭnosiš azdoby z saboj!». U svaju čarhu, jaje muž pradekłamavaŭ na niamieckaj movie liryčny tvor Hienrycha Hiejne pra pryhažość śvietu.
Jak adznačajecca ŭ publikacyi ambasady Hiermanii, heta stała paetyčnym mostam pamiž narodami i nahadała pra ahulna čałaviečyja kaštoŭnaści i natchnieńnie, jakoje tvorcy roznych krain znachodzili ŭ rodnaj pryrodzie.