Ministr abarony Litvy: Rasija moža vykarystać ukrainskija drony dla ataki na infrastrukturu krain Bałtyi
Litoŭskaja vajskovaja raźviedka vałodaje infarmacyjaj, što Rasija vyvučaje mahčymaść naniasieńnia ŭdaraŭ pa krytyčnaj infrastruktury ŭ Bałtyjskim rehijonie.
Robiertas Kaŭnas, fota ź jaho fejsbuka
Dla hetaha Maskva moža vykarystać bieśpiłotniki ŭkrainskaj vytvorčaści, paviedamiŭ ministr abarony Litvy Robiertas Kaŭnas 15min.
«U nas jość źviestki, što Rasija razhladaje mahčymaść praviadzieńnia niekanviencyjnych kinietyčnych atak na krytyčnuju infrastrukturu ŭ Bałtyjskim rehijonie. Vierahodna, dla hetaha Rasija mahła b vykarystać bieśpiłotniki ŭkrainskaj vytvorčaści». — skazaŭ Robiertas Kaŭnas.
Pad «kinietyčnaj» atakaj u hetym vypadku razumiejecca apieracyja, raźličanaja na fizičnaje paškodžańnie abjekta. Kankretnyja mety, mahčymyja terminy i stupień vierahodnaści takoj ataki nie raskryvajucca. Farmuloŭki ministra — «razhladaje», «vierahodna» i «mahła b» — nie aznačajuć, što rašeńnie ab praviadzieńni ataki ŭžo pryniata.
Pavodle jaho słoŭ, Rasija mahła b vykarystać zachoplenyja ŭkrainskija bieśpiłotniki, kab schavać sapraŭdnuju krynicu ŭdaru i pradstavić jaho jak apieracyju «pad čužym ściaham».