Na praśpiekcie Niezaležnaści ŭ Minsku sutyknulisia piać aŭtamabilaŭ
Dniom 5 žniŭnia na praśpiekcie Niezaležnaści ŭ Minsku adbyłosia darožna-transpartnaje zdareńnie z udziełam piaci aŭtamabilaŭ, paviedamiła minskaja DAI.
Jak paviedamlajecca, 67‑hadovy kiroŭca aŭtamabila Renault ruchaŭsia pa praśpiekcie Niezaležnaści i kala skryžavańnia z vulicaj Fohiela raptam vyjechaŭ na pałasu sustrečnaha ruchu. U vyniku jon sutyknuŭsia z aŭtamabilami Opel, Toyota, Volkswagen, a taksama z hruzavikom MAZ.
Pryčyny i abstaviny avaryi vyśviatlajucca.
U vyniku zdareńnia nichto ź ludziej nie paciarpieŭ. Transpartnyja srodki atrymali miechaničnyja paškodžańni.
Miedycynski ahlad zaśviedčyŭ, što ŭ arhaniźmie kiroŭcy Renault ałkaholu padčas avaryi nie było.